Vendaog, vriedag 9 fibberwarie 2024 um 12:00oor start de veurverkoup veur de Revue aon de Maos vaan 2025. Oonder d'n titel "Noe vèlt diech niks mie in" beleef de vastelaovendsrevue alweer de derde editie.
Umtot zoewel in 2023, es de Revue vaan aofgeloupe goonsdag en donderdag, in e recordtempo oetverkoch waore, is d'r noe veur gekoze um vreug mèt de kaartverkoup te beginne. Veurzitter Jean Boelen vaan de organiserende stiechting Revue aon de Maos: "Wat good is, kump gaw. Dat bliek ouch mer weer bei de Revue. twie zier succesvolle edisies, veer kier 'n oetverkoch theater. V'r kriege noe al vraoge vaan lui veur kaarte veur 't komend jaor, vaandao tot v'r de kaartverkoup noe al starte."
'Noe vèlt diech niks mie in' is in 2025 op 11 en 12 fibberwarie, en netuurlek weer in 't Theater aon 't Vriethof. Veurzitter Jean Boelen: " V'r höbbe de ierste 2 jaor get neergezat, en dat goon v'r in 2025 ouch weer doen. 't Is rezjiseur Peter Noten, speulers, orkes en mètwerkers gans towvertrowd um ouch volgend jaor Mestreech weer te pripperere veur de Vastelaovend!"
Wèlt geer de bèste plaotse kriege veur dees' veurstèllinge? Gaot daan nao de site vaan 't theater en risserveert eur kaarte veur dinsdag 11 en goonsdag 12 fibberwarie 2025 in d'n Theater aon 't Vriethof. De verkoup start um 12:00u.
Mestreechs 
Nederlands