Kint geer ’t verhaol vaan de kojl? ’t Waor ’n hilarisch hoegdepunt in de aofgeloupe Revue aon de Maos. Drei aovende laank heet de zaol ’t oetgekeek vaan de lach. Es geer debij waort, daan wèt geer oongetwiefeld boe veer ’t euver höbbe. Veur wee ’t gemis heet of veur ederein dee neet kint wachte wat d’n opvolger vaan de kojl weurt, höbbe veer good nuits: In d’n aonloup nao deen oonvervalsde Mestreechter Vastelaovend vaan 2026 kump de Revue weer trök.! ’t Is daan 80 jaor geleie tot Mestreech ’t ierste Vastelaovendsleedsje veur de ganse stad kraog: Carneval in Mestreech. 
De bereumde Vastelaovendsleedsjes vaan vreuger loupe wie ‘ne roejen draod door ‘t program meh dao koume ouch nui nómmers die zoemer de carnevalsschlagers vaan vendaog kinne weure. De Revue weurt e boontgekleurd spektakel mèt knatsjgekke sketches en conferences euver hiel herkinbare zakes in Mestreech en sjieke danse. Bekinde kemediante en aonströrmend talent, e straolend live orkes en de energieke Revuegirls bringe uuch mèt dizze sjieke show in de zjuste stumming veur die “drei zwoer meh plezerege daog”! Zörg tot geer debij zeet, want de kaarte zien eweg veurtot geer dao erg in höb. Zjus wie in ’t leedsje Carneval in Mestreech gezoonge weurt: ‘n äövendsje Revue aon de Maos “dat mooste eder jaor beleve”!
DI 27, WO 28 EN DO 29 JAN
Papyruszaal – 20.11 uur - € 40,00
Mestreechs 
Nederlands